Իսլանդիայում ժայթքել է Սունդնուկուր հրաբուխը (տեսանյութ)
ՔաղաքականԻսլանդիայի հարավ-արևմուտքում գտնվող Գրինդավիկ քաղաքի մոտ գտնվող Ռեյկյանես թերակղզու Սունդնուկուր հրաբուխը ուրբաթ գիշերը սկսել է ժայթքել, հայտնում են իսլանդական լրատվամիջոցները։
«Սեյսմիկ ակտիվությունը սկսվել է 20:48-ին (Երևանի ժամանակով՝ 00:48-ին)։ Դեֆորմացիայի նշաններ են հայտնվել, և մոտ կես ժամ անց՝ ժայթքում է սկսվել Սունդնուկուրի արևելյան կողմից», - լրագրողներին ասել է Met Office-ի խոսնակ Բենեդիկտ Օֆեյգսոնին:
Ինչպես նշում է RUV հեռուստաալիքը, «լավան չի հոսում դեպի Գրինդավիկ», սակայն փոթորկոտ եղանակը նպաստում է Գրինդավիկի և ծովի վրայով ժայթքման հետևանքով ծխի և գազերի ամպերի տարածմանը։ Լավային հոսքը շարունակում է շարժվել 2 կմ/ժ արագությամբ դեպի հյուսիս-արևմուտք։ Իշխանություններն արդեն տարհանել են մարդկանց քաղաքի մոտակա շրջաններից։
Երկրաֆիզիկայի պրոֆեսոր Մագնուս Թումի Գուդմունդսոնը, ով ժայթքման գոտու վրայով թռել է առափնյա պահպանության ուղղաթիռով, RUV-ին ասել է, որ առաջիկա ժամերին շատ բան կարող է տեղի ունենալ։ Փորձագետները շարունակում են հետևել։
Թե որքան հեռու կգնա լավան, դեռ պարզ չէ:
Ամենադիտված 
Ռուսաստանը քաղաքացիությունից կզրկի այն միգրանտներին, ովքեր զինվորական երդում չեն տվել
