Բլինքենը կոշտ հատարարություն է արել Պուտինի հասցեին

Ռուսաստանի նախագահ Վլադիմիր Պուտինը «շարունակում է ստելով պնդել», որ Ուկրաինան իրական պետություն չէ և շահագրգռված չէ իրական խաղաղությամբ։

«Պուտինը շարունակում է սուտ կերպով պնդել, որ Ուկրաինան իրական պետություն չէ։ Նա շարունակում է հերքել, որ ուկրաինացի ժողովուրդն ունի իր ինքնությունը։ Պուտինի աչքում ուկրաինացի ժողովուրդը, ինչպես ինքը՝ Ուկրաինան, գոյություն չունեն»,- նրա խոսքերն է մեջբերում Ինտերֆաքս Ուկրաինա-ն:

Բլինքենի խոսքով՝ Ուկրաինան բազմիցս ասել է, որ դիվանագիտությունն այս պատերազմին վերջ տալու միակ միջոցն է, և որ ինքը պատրաստ է բանակցել։

«Թեև Պուտինը հետաքրքրված չէ նման խաղաղությամբ, նա վերջերս հայտարարեց, որ Ռուսաստանը կվերադառնա բանակցությունների սեղանին միայն այն ժամանակ, երբ Ուկրաինան դուրս բերի իր զորքերը Դոնեցկի, Լուգանսկի, Խերսոնի և Զապորոժիեի շրջաններից։ Այսինքն, երբ Ուկրաինան նահանջի սեփական տարածքից»,- հավելել է ԱՄՆ պետքարտուղարը։

Բլինքենը նշել է, թե ինչպես է Անվտանգության խորհուրդը ձգտում վերջ տալ պատերազմին, և ՄԱԿ-ի կանոնադրությունն այս հարցում շատ պարզ է: Նրա պնդմամբ, «մենք պետք է ձգտենք այնպիսի խաղաղության, որը կաջակցի, այլ ոչ թե կխարխլի ՄԱԿ-ի հիմնական սկզբունքները»:

Պետքարտուղարն ընդգծել է, որ որոշ երկրներ առաջարկներ են ներկայացրել, որոնցից մի քանիսը չեն հիշատակել ՄԱԿ-ի կանոնադրությունը կամ դրա սկզբունքները, չեն նշել ագրեսորի և զոհի տարբերությունը և կոչ են արել բոլոր կողմերին դեէսկալացիա անել:

«Այս բոլոր առաջարկները կվարձատրեն Պուտինի ագրեսիան, թույլ կտան նրան հանգստանալ, վերազինվել և նորից ներխուժել Ուկրաինա, ինչպես դա արել է բազմիցս»,- ասել է Բլինքենը:

Հրապարակ

Այս թեմայով Կոչ ենք անում անհապաղ 21-օրյա հրադադшր հաստատել Լիբանան-Իսրայել սահմանին. Արևմուտքը համատեղ հայտարարություն է տարածել Հայտնի է Բլինքեն-Միրզոյան-Բայրամով հանդիպման ժամը Սերոբ Գասպարյանի գործով հայտարարություն․ Ալեքսանդր Կոչուբաեվ «ՊՍԺ»-ն հայտարարություն է տարածել Մբապեի աշխատավարձի բողոքարկման վերաբերյալ «ՊՍԺ»-ն հայտարարություն է տարածել Մբապեի աշխատավարձի բողոքարկման վերաբերյալ