Պատրաստ ենք նպաստել Հայաստանի հետ հարաբերությունների զարգացմանն ավելի բարձր մակարդակով․ Չեն Մին

Հայաստանում ՉԺՀ-ի դեսպանատանը հանդիսավոր պայմաններում նշվեց Չինաստանի Ժողովրդական հանրապետության կազմավորման 75-ամյա հոբելյանը։ 

«Արմենպրեսի»-ի հաղորդմամբ՝ ՀՀ-ում Չինաստանի գործերի ժամանակավոր հավատարմատար Չեն Մինը ողջունի խոսքում նշեց, որ վերջին երեք քառորդ դարի ընթացքում չին ժողովուրդը՝ կոմունիստական կուսակցության ղեկավարությամբ, երկար ժամանակ ուղիներ էր որոնում, անդադար պայքարում և ի վերջո հաջողությամբ գտավ երկրին համապատասխանող չինական արդիականացման ուղին՝ ստեղծելով մարդկային քաղաքակրթության նոր ձև, որն ազգին տանում է դեպի մեծ վերածնունդ։ 

«Բացությունը չինական արդիականացման վառ խորհրդանիշն է։ Այն պայմաններում, երբ որոշ երկրներ խզում են կապերը և մատակարարման շղթաները, բաց լինելը դառնում է «դեֆիցիտ երևույթ» աշխարհում։ Չինաստանը հավատարիմ է արտաքին բաց պետական քաղաքականությանը՝ կիսվելով աշխարհի հետ զարգացման դիվիդենտներով և հնարավորություններով։ Չինական կողմը հանդես է գալիս աշխարհում հավասար և կանոնավոր բազմաբևեռության և համապարփակ, ներառական տնտեսական գլոբալացման օգտին։ Չինաստանը նպաստում է «Մեկ գոտի, մեկ ճանապարհ» նախաձեռնության զարգացմանը, ստեղծում է ազատ առևտրի գոտիների գլոբալ ցանց բարձր չափանիշներով, զարգացնում է միջազգային տնտեսական համագործակցության հարթակներ և ձևավորում է մրցունակ գործարար միջավայր, որը հիմնված է շուկայական, իրավական և միջազգային սկզբունքների վրա»,- ասաց Չեն Մինը։ 

Նա հիշեցրեց, որ այս տարի լրանում է Խաղաղ համակեցության հինգ սկզբունքների հռչակման 70-ամյակը: Այդ տարիների ընթացքում հիշյալ սկզբունքները դարձել են միջազգային հարաբերությունների հիմնական նորմեր և միջազգային իրավունքի հիմնարար սկզբունքներ՝ ստանալով լայն ճանաչում և կիրառում միջազգային հանրության կողմից։ 

Այս թեմայով Սուրեն Պապիկյանը մեկնել է Չինաստան Աննա Հակոբյանը մեկնում է Չինաստան Շահագործման է հանձնվել Չինաստան-Իրան-Եվրոպա երկաթուղային միջանցքի առաջին հերթը ԵՄ-ն խրախուսում է Հայաստանին շարունակել ջանքերը՝ կառուցելու լիարժեք ժողովրդավարություն․ Մարագոս Ռուսաստանը կդառնա դեպի Չինաստան գազի խոշորագույն մատակարարը․ Միլլեր