Ռումինիայի նախագահի հրաժարականը ուշացած է, որպեսզի համարվի արժանապատիվ․ քաղաքական գործիչների կարծիքը

Ռումինիայի քաղաքական կուսակցությունների ղեկավարները արձագանքել են նախագահ Կլաուս Յոհաննիսի հրաժարականի հայտարարությանը

Այսօր՝ փետրվարի 10-ին, Ռումինիայի քաղաքական կուսակցությունների ղեկավարները արձագանքել են նախագահ Կլաուս Յոհաննիսի հրաժարականի մասին հայտարարությանը։ Մեծամասնությունը համաձայն է, որ այս որոշումը պետք է ավելի վաղ ընդունվեր։ Այժմ հրաժարականը չի կարելի համարել պատվավոր, ինչպես փորձում է ներկայացնել Յոհաննիսը։

Ռումինիայի խորհրդարանական «Ռումինիայի փրկության միություն» (USR) կուսակցության առաջնորդ Էլենա Լասկոնին նախագահին մեղադրել է ուշացած քայլի համար։ Մինչդեռ «Ռումինիայի միավորման դաշինք» (AUR) կուսակցության նախագահ Ջորջ Սիմիոնը հայտարարել է, որ դա իրենց կողմնակիցների հաղթանակն է, որոնք վաղուց պայքարում էին դրա համար հանրահավաքների ընթացքում։ Կոալիցիայի կողմից առաջադրված միասնական թեկնածու Կրին Անտոնեսկուն, ով կմասնակցի այս գարնանը կրկնվող նախագահական ընտրություններին, նշել է, որ նախագահն ընդունել է «խելամիտ», բայց ոչ ժամանակին որոշում։

Թարգմանությունը՝ Lurer.com-ի