Ալիևը Բայդենի վարչակազմին մեղադրել է «անարդար և անազնիվ» լինելու մեջ
Աշխարհ
Մենք հիշում ենք այն ժամանակները, երբ նախագահ ԱՄՆ–ի առաջնորդը Թրամփն էր, և մեր հարաբերությունները շատ հաջող էին զարգանում՝ ի տարբերություն վերջին չորս տարիների, երբ դրանք ամբողջովին վատթարացան՝ Ադրբեջանի հանդեպ Բայդենի վարչակազմի անարդար և անազնիվ մոտեցման պատճառով։
Ինչպես հաղորդում է ԱՊԱ-ն, այս մասին Ադրբեջանի նախագահ Իլհամ Ալիեւն ասել է չինական CGTN հեռուստաալիքին տված հարցազրույցում։
Ընդգծելով, որ նախագահ Թրամփի հետ աշխատելու նախկին փորձը շատ դրական է եղել, Ալիևը նշել է. «Մենք ակնկալում ենք, որ այն չորս տարիները, որոնք համարում ենք ԱՄՆ-Ադրբեջան հարաբերություններում կորցրած տարիներ, կդառնան պատմություն, և մենք կվերսկսենք աշխատանքը»։
«Շատ մեծ անորոշություն կա եվրոպացի առաջնորդների շրջանում (նախագահ Թրամփի պատճառով – խմբ.) և, ես կասեի, մեծ անհանգստություն։ Սրա պատճառը շատ պարզ է։ Մենք բոլորս գիտենք, թե նրանցից ոմանք ինչպես են վարվել պարոն Թրամփի հետ վերջին չորս տարիների ընթացքում, երբ նա նախագահ չէր: Առաջին «որակազրկումն» արդեն տեսել ենք՝ դրան ենթարկվել է Կանադայի վարչապետը»,– ասել է Ալիևը՝ հավելելով․ «Արևմտյան որոշ առաջնորդներ շատ անարդար են վարվել նախագահ Թրամփի նկատմամբ, և, իհարկե, նրանք մտահոգված են, որ հիմա, թերևս, եկել է ժամանակը, որ նրանք պատասխանատվություն կրեն դրա համար»։
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
