Ստոկհոլմում հայտարարել են՝ իրենց արտաքին քաղաքականության առաջնահերթությունը Կիևին աջակցելն է

Ուկրաինային աջակցությունը Շվեդիայի կառավարության արտաքին քաղաքականության առաջնահերթությունն է։ Այս մասին ասվում է նախարարների կաբինետի արտաքին քաղաքական հռչակագրում, որը խորհրդարան է ներկայացրել արտգործնախարար Մարիա Մալմոր Շտեներգաարդը։

«Ուկրաինային աջակցությունը կառավարության արտաքին քաղաքականության առաջնահերթությունն է։ Շվեդիան մեծացնում էր իր աջակցությունն Ուկրաինային պատերազմի յուրաքանչյուր տարվա հետ»։ Ինչպես նշվում է հռչակագրում, հակամարտության սկզբից ի վեր Շվեդիայի աջակցության ընդհանուր գումարը կազմում է մոտ 70 միլիարդ կրոն (6,44 միլիարդ դոլար), Շվեդիան կշարունակի աջակցություն ցուցաբերել Ուկրաինային «այնքան ժամանակ, քանի դեռ դա անհրաժեշտ է՝ քաղաքական, հումանիտար, ռազմական և տնտեսական առումներով», - նշվում է փաստաթղթում։

Այն նաև ընդգծում է, որ Շվեդիան «անվտանգության քաղաքականության դժվար ժամանակաշրջան է ապրում»։

«Մենք՝ Շվեդիան, ԵՄ-ն և ՆԱՏՕ-ն, գտնվում ենք Ռուսաստանի հետ երկարաժամկետ և հեռուն գնացող առճակատման մեջ»,- ասվում է հռչակագրում, փոխանցում է ՏԱՍՍ-ը։