Ռուսական ընկերությունների բաժնետոմսերը թանկանում են Պուտին-Թրամփ բանակցություններից հետո (Լուսանկար)

Ռուսական ընկերությունների բաժնետոմսերը թանկացել են Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի հեռախոսազրույցից հետո։

Լրատվամիջոցների տեղեկություններով՝ ռուսական ընկերությունները մեկ ժամում թանկացել են 2,2 միլիարդ դոլարով՝ ներառյալ պատժամիջոցների տակ գտնվողները։ Մոսկվայի բորսայի ինդեքսը հուլիսի 9-ից ի վեր առաջին անգամ ցատկել է 3100 կետից:

«IMOEX2 ինդեքսը, որը ցույց է տալիս շուկայի դինամիկան, ներառյալ երեկոյան նստաշրջանի ընթացքում, Մոսկվայի ժամանակով ժամը 20:23-ին աճել է 3,01%-ով՝ հասնելով 3116,85 կետի: Ցուցանիշը 2024 թվականի հուլիսի 9-ից յոթ ամիս շարունակ չի բարձրացել 3100 կետից։ Մոսկվայի ժամանակով ժամը 21:42-ի դրությամբ ինդեքսի աճն արագացել է մինչև 4,5 տոկոս՝ հասնելով ավելի քան 3160 կետի»,- հայտնում է РБК-ն։

Նշվում է, որ աճի առաջնորդները 21:34-ի դրությամբ եղել են «Յունիպրո» (+8,85%), ՆՈՎԱՏԵԿ (+8,51%), «Գազպրոմ» (+8,13%), «Սովկոմֆլոտ» (+7,81%), «Տրանսնեֆթ» (արտոնյալ բաժնետոմսեր, +6,03%), «Յանդեքս» (+6,02%) և «ՏՏ-Տեխնոլոգիաներ» (+5,83%).

Թարգմանությունը՝ Lurer.com-ի