Մասկը առաջարկում է կրճատել դաշնային կառավարությունը
Աշխարհ
Իլոն Մասկը, ով ղեկավարում է ԱՄՆ կառավարության արդյունավետության դեպարտամենտը, կարծիք է հայտնել, որ ԱՄՆ-ն ունի հսկայական թվով օրենքներ և կանոնակարգեր, որոնք արգելում են գրեթե ամեն ինչ։ Այս մասին հայտնում է ՏԱՍՍ-ը։
«Ամեն տարի ավելի ու ավելի շատ օրենքներ և կանոնակարգեր են գործում, և, ի վերջո, ամեն ինչ դառնում է անօրինական և ոչինչ չի թույլատրվում: Եվ դա այն իրավիճակն է, որը մենք հիմա ունենք», - ասել է նա Դուբայում կայացած Համաշխարհային կառավարության գագաթնաժողովում:
Այս համատեքստում նա ընդգծել է, որ պետք է ձգտել նվազեցնել կառավարության կարգավորումը։
Մասկը որպես իր գերատեսչության հիմնական նպատակը նշել է կառավարության աշխատակազմի կրճատումն ու քաղաքացիների հանդեպ նրա հաշվետվողականության բարձրացումը։
«Մենք ցանկանում ենք վերականգնել ժողովրդի իշխանությունը, ինչը նշանակում է կրճատել դաշնային կառավարությունը»,- ասել է նա։
Բացի այդ, ձեռնարկատերը հանդես է եկել պետական ծախսերի կրճատման օգտին, ինչը, նրա կարծիքով, կապահովի տնտեսական աճ։
ՈՒՂԻՂ ԵԹԵՐ
Ամենադիտված 
Ալիևը նախազգուշացրել է՝ եթե ՀՀ-ն չկատարի պայմանները, Ադրբեջանը դուրս կգա խաղաղության պայմանագրից․ թյուրքագետ
