Ուկրաինական հակամարտության լուծման հարցում Եվրոպան «ավելորդ» է․ Վագենկնեխտ

Բունդեսթագի պատգամավոր և «Սահրա Վագենկնեխտ դաշինք հանուն բանականության և արդարության» (BSW) կուսակցության առաջնորդ Սահրա Վագենկնեխտը ողջունել է Ռուսաստանի նախագահ Վլադիմիր Պուտինի և ԱՄՆ նախագահ Դոնալդ Թրամփի հեռախոսազրույցը և եվրոպացի քաղաքական գործիչներին անվանել է «ավելորդ» Ուկրաինայի շուրջ ստեղծված իրավիճակում, գրում է ՏԱՍՍ-ը։

«Լավ է, որ վերջապես բանակցություններ կսկսվեն ԱՄՆ-ի և Ռուսաստանի միջև՝ վերջ դնելու Ուկրաինայում մահերին և ավերածություններին»,- ասել է նա DPA լրատվական գործակալությանը։

 «Երկար ժամանակ նրանք, ովքեր հանդես էին գալիս զենքի անվերջ մատակարարումների փոխարեն խաղաղ բանակցությունների օգտին, կամայականորեն վարկաբեկվում էին Գերմանիայում՝ նրանց անվանելով միամիտ մարդիկ կամ Պուտինի ընկերներ», - նշել է Վագենկնեխտը։

Նրա կարծիքով, եվրոպական և գերմանական քաղաքականության բացթողումը հրադադարի հասնելու և Ուկրաինայի հարցով բանակցություններ սկսելու իրական ծրագրի բացակայությունն էր։

 «Այս պահին եվրոպացիները և Գերմանիայի կառավարությունը պարզապես ավելորդներ են այն ամենի կողքին, որոնց Թրամփը վերապահում է ֆինանսիստի դերը, որը պետք է կրի ավերված Ուկրաինան վերականգնելու ծախսերը», - կարծում է BSW-ի ղեկավարը։