ԱՄՆ-ը պետք է դաս քաղի՝ Ռուսաստանին հնարավոր չէ ծնկի բերել․ Մեդվեդև

Ամերիկյան վարչակազմը պետք է դասեր քաղի, որ Ռուսաստանին ծնկի բերել հնարավոր չէ, և որ աշխարհում չկա և չի կարող լինել առաջատար երկիր։ Ահա թե ինչու շփումներն ավելի կարևոր են, քան «այտերն ուռեցնելը»: Այս մասին հայտարարել է ՌԴ Անվտանգության խորհրդի փոխնախագահ Դմիտրի Մեդվեդևը։

«Մեր փոքր, հակասական, բայց շատ փոխկապակցված աշխարհում չկա և չի կարող լինել առաջատար երկիր և մոլորակի ավագ տիրակալ։ Սա դաս է, որը պետք է քաղեն ամբարտավան ամերիկյան վերնախավերը և, այսպես կոչված, խորքային պետությունը՝ ԱՄՆ բյուրոկրատիան: Եվ հասկանալ, որ շփումներն ու խորհրդակցությունները շատ ավելի արժեքավոր են, քան այտերն ուռեցնելը և Ռուսաստանի նման երկրին ռազմավարական պարտություն պատճառելու ցանկությունը։ Սա սկզբունքորեն չափազանց վտանգավոր է, քանի որ անհնար է մեզ ծնկի բերել։ Եվ որքան շուտ մեր հակառակորդները դա հասկանան, այնքան լավ», - գրել է Մեդվեդևը VKontakte-ում:

Ինչպես ընդգծել է ՌԴ Անվտանգության խորհրդի փոխնախագահը, «եթե ԱՄՆ-ը դա չհասկանա, ամեն ինչ կվերադառնա իր բնականոն հունին»։

«Միջուկային դատաստանի օրվա ժամացույցը կշարունակի իր անխափան երթը դեպի կեսգիշեր։ Եվ հետո, անշուշտ, «գունատ ձին կհայտնվի, և նրա վրա մի ձիավոր, որի անունը «մահ» է», - գրել է Մեդվեդևը։