Կիևը ազդանշաններ է ուղարկում տարածքային զիջումների պատրաստակամության մասին․ Պիստորիուս

Կիևից ազդանշաններ են գալիս ուկրաինական հակամարտության կարգավորման համար տարածքային զիջումների գնալու պատրաստակամության մասին։ Այսպիսի հայտարարություն է արել Գերմանիայի պաշտպանության նախարար Բորիս Պիստորիուսը։

Այնուամենայնիվ, նա ասել է, որ կասկածներ կան, որ խաղաղության կամ զինադադարի համապարփակ ծրագիր կներկայացվի այս շաբաթ Մյունխենի անվտանգության համաժողովում:

«Այժմ, Մյունխենի անվտանգության համաժողովից մի քանի օր առաջ, որը ոչ պաշտոնապես սկսվում է հինգշաբթի երեկոյան՝ որոշ իրադարձություններով, հույսի նշույլ չի երևում։ Բայց, իհարկե, համոզված եմ, որ այս տարի այս ամբողջ հարցում շարժ կլինի»,- Պիստորիուսի խոսքերը մեջբերում է РИА Новости-ն։

Բացի այդ, Գերմանիայի պաշտպանության նախարարության ղեկավարը մեկնաբանել է ամերիկյան ԶԼՄ-ներում հայտնված տեղեկատվությունը, այդ թվում՝ ԱՄՆ նախագահ Դոնալդ Թրամփի վարչակազմի անդամներին առնչվող, որ առանց տարածքներ զիջելու՝ Ուկրաինան, ի վերջո, չի կարողանա հրադադար կնքել։

«Ոչ ոք իրավունք չունի որոշել Ուկրաինայի թիկունքում, և դա վերաբերում է նաև ամերիկյան վարչակազմին, թե ինչ պայմաններով պետք է նման հրադադար լինի Ուկրաինայի կողմից։ Բայց, մյուս կողմից, իսկապես ազդանշաններ են գալիս Ուկրաինայից, որ որոշակի պայմաններում դրա համար որոշակի պատրաստակամություն կա»,- նշել է Պիստորիուսը։