ՅՈՒՆԵՍԿՕ-ն և ԵԱՀԿ-ն անտարբեր են ռուս լրագրողների դեմ հանցագործությունների նկատմամբ․ Զախարովա

Միջազգային կազմակերպությունները, ինչպիսիք են ՄԱԿ-ի կրթության, գիտության և մշակույթի կազմակերպությունը (ՅՈՒՆԵՍԿՕ), Մարդու իրավունքների գերագույն հանձնակատարի գրասենյակը և Եվրոպայի անվտանգության և համագործակցության կազմակերպությունը (ԵԱՀԿ), որոնց պարտականությունները ներառում են լրատվամիջոցների աշխատողների անվտանգության ապահովումը, անտարբեր են ռուսական լրատվամիջոցների վրա գործադրվող ճնշումների և լրագրողների դեմ հանցագործությունների նկատմամբ։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

Դիվանագետը նշել է, որ Ռուսաստանի Դաշնության դեմ Արևմուտքի հիբրիդային ագրեսիայի ձևերից մեկը դարձել է ռուսական լրատվամիջոցների և լրագրողների, այդ թվում՝ ռադիոհաղորդիչների համակարգված հետապնդումը։

«Նրանցից շատերը ստիպված են եղել բախվել լիակատար գրաքննության տարբեր ձևերի, այդ թվում՝ ռադիո ազդանշանի ճնշման, հեռարձակման արգելափակման, ինտերնետ ռեսուրսների մուտքի արգելքի և սոցիալական մեդիայի հարթակներից հաշիվների կամայական ջնջման: Նեոլիբերալ կեղծ ժողովրդավարությունների համար այլախոհության օջախները վերացնելու ստանդարտ միջոցները դարձել են քաղաքական դրդապատճառներով բռնաճնշումները, սպառնալիքներն ու ռուս լրագրողներին վտարումները, քրեական հետապնդումները և նրանց դեմ շինծու հիմքերով դատավարությունները», - ասել է Զախարովան: