Էստոնիայի ռազմածովային ուժերը միջոցներ կձեռնարկեն նավերի դեմ, որոնք սպառնում են Բալթյան ենթակառուցվածքին

Էստոնիայի ռազմածովային ուժերը կձեռնարկեն բոլոր անհրաժեշտ միջոցները Բալթիկ ծովի ենթակառուցվածքի համար վտանգ ներկայացնող նավերի դեմ։ Այս մասին հայտարարել է երկրի ռազմածովային ուժերի հրամանատարի տեղակալ Յոհան-Էլիաս Սելյամաան, նրա խոսքերը մեջբերում է Reuters գործակալությունը։

«Եթե սպառնալիք լինի, որ նավերը պատրաստվում են ոչնչացնել կարևոր ենթակառուցվածքները, մենք ստիպված կլինենք միջամտել»,- ասել է նա։

Սելյամաան հավելել է, որ Էստոնիան կմիջամտի, եթե անգամ միջադեպը գրանցվի «միջազգային ջրերում»: