Կանադան մեր պաշտպանության կարիքն ունի․ Թրամփ
Աշխարհ
Կանադան «շատ լուրջ հավակնորդ» կլինեի Միացյալ Նահանգներին միանալու դեպքում: Այս կարծիքը հայտնել է ԱՄՆ նախագահ Դոնալդ Թրամփը Սպիտակ տան Օվալաձև աշխատասենյակում լրագրողների հետ զրույցում՝ ստորագրելով ներմուծման համընդհանուր պատասխան տուրքեր սահմանող գործադիր հրամանը, փոխանցում է ՏԱՍՍ-ը։
«Կարծում եմ՝ Կանադան շատ լուրջ հավակնորդ կլինի մեր 51-րդ նահանգը դառնալու դեպքում»,- ասել է ամերիկացի առաջնորդը։ Միաժամանակ նա հերթական անգամ Կանադայի վարչապետ Ջասթին Թրյուդոյին անվանել է «նահանգապետ Թրյուդո»։
«Նրանք չունեն ռազմական պաշտպանություն։ Նրանք մեր պաշտպանության կարիքն ունեն»,- ասել է Թրամփը կանադացիների մասին։ «Կանադան շատ վատ է վարվել մեզ հետ առևտրի հարցում: Բայց հիմա Կանադան ստիպված կլինի վճարել», - շարունակել է Թրամփը:
«Նրանք կարծում են, որ մենք իրենց պաշտպանելու ենք մեր զինված ուժերով, և դա անարդար է»,- նշել է նախագահը։ Նրա գնահատմամբ՝ «Կանադայի հետ կապված իրավիճակը շատ հետաքրքիր կլինի։ Որովհետև, գիտեք, մենք պարզապես նրանց արտադրանքի կարիքը չունենք: Եվ նրանք գոյատևում են պարզապես այն պատճառով, որ մենք վերցնում ենք նրանց արտադրածի 95%-ը», - հավելել է Թրամփը:
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
