Լևոն Մնացականյանը Բաքվի դատարանում ցուցմունք է տվել

Ադրբեջանում շարունակվում է Արցախի ռազմաքաղաքական ղեկավարության դեմ շինծու մեղադրանքներով դատական նիստը։ Այսօրվա նիստի ժամանակ հարցաքննվել է  Արցախի Պաշտպանության բանակի նախկին հրամանատար Լևոն Մնացականյանը։ Ըստ ադրբեջանական լրատվամիջոցների՝  նա  հաստատել է իր մասնակցությունը ռազմական գործողություններին, ասել է թե՝ Բաքվի դատարանում պնդել է, որ մասնակցել է Արցախի ազատագրական պայքարին։ 

Մնացականյանը, ըստ ադրբեջանական քարոզչամեքենայի,  նշել է, որ ինքը ծառայել է որպես գումարտակի հրամանատար, դիվիզիայի հրամանատար և հրետանու պետ։

Լևոն Մնացականյանը, իբր ասել է. «Ես մասնակցել եմ Աղդամի, Ջաբրայիլի, Աղդերեի, Ֆիզուլիի և այլ շրջաններում մղված  ռազմական գործողություններին»։