«Բիլազուկ»-ից վերջապես պրծանք. Ռուբեն Մելիքյան
Իրավունք
Փաստաբան Ռուբեն Մելիքյանը ֆեյսբուքյան իր էջում գրել է.
«Այսօր «Տատիկների գործով» դատական առաջին նիստն էր։ Արդյունքներից ընդհանուր առմամբ գոհ եմ։
Ես ունեի երկու միջնորդություն. առաջինը՝ Կիմա տատի կյանքը հեշտացնելու, մյուսը՝ հա՛մ իր, հա՛մ իմ կյանքը հեշտացնելու մասին։ Մասնավորապես, առաջին միջնորդությամբ ես խնդրել էի վարչական հսկողությունն իրականացնել առանց «բիլազուկի»*։ Երկրորդ միջնորդությամբ խնդրել էի թույլ տալ, որ հետագա դատական նիստերն անցկացվեն Կիմա տատի բացակայությամբ՝ որ Գյումրիից ամեն անգամ ստիպված չլինի հասնել Երևան։
Առաջին միջնորդությունս բավարարվեց. «բիլազուկ»-ից վերջապես պրծանք։ Երկրորդը՝ մերժվեց։ Ստիպված եմ ամեն անգամ կազմակերպել Կիմա տատի գալ-գնալը։
Ասածս ինչ է։ Հարգելի՛ գյումրեցի ընկերներ, խնդրում եմ ինձ օգնեք Կիմա տատի Երևան գալն ապահովելու գործում։ Վերադարձը ես կապահովեմ։ Առաջիկա նիստերը՝ հուլիսի 3-ին ու 10-ին։
* Բիլազուկ© (հեղինակային իրավունքը՝ Կիմա տատի) - ոտքին կամ ձեռքին ամրացվող՝ էլեկտրոնային հսկողության սարք»:
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
