Ոստիկանությունը Վեհարան է գնացել՝ Միքայել Սրբազանի հետևից․ «Ազատություն»

Ոստիկանությունը Էջմիածին՝ Վեհարան է գնացել Միքայել Սրբազանի հետևից: Այս մասին հայտնում է «Ազատությունը»՝ նշելով, որ այդ մասին ուղիղ եթերում հայտարարել է Արտաշես սարկավագ Աջապահյանը։

Նշենք, որ Շիրակի թեմի առաջնորդ Միքայել արքեպիսկոպոս Աջապահյանն այս պահին Մայր աթոռ Սուրբ Էջմիածնում մասնակցում է Քահանայից ժողովին։

Հիշեցնենք, որ իրավապահներն այս պահին Շիրակի թեմի առաջնորդարանում քննչական գործողություններ են իրականացնում: Դուռը փակ է, դրսից ոստիկաններ են հսկում:

Գլխավոր դատախազությունը երեկ տեղեկացրեց՝ մեկ շաբաթ առաջ քրեական վարույթ են նախաձեռնել Շիրակի թեմի առաջնորդ Միքայել արքեպիսկոպոս Աջապահյանի նկատմամբ՝ հեղաշրջում անելու կոչի համար: Դատախազությունն այլ տեղեկություն չի տրամադրել, նաև չեն հստակեցրել, թե կոնկրետ որ հայտարարությունն են հիմք վերցրել: