Վենգրիան զգուշացրել է՝ ԵՄ-ի ռուսական գազից հրաժարվելու պլանը սպառնում է երկրի էներգետիկ անվտանգությանը

Վենգրիայի արտգործնախարար Պետեր Սիյարտոն հայտարարել է, որ Եվրոպական հանձնաժողովի նախաձեռնությունը՝ մինչև 2028 թվականը հրաժարվել ռուսական նավթից և գազից, կարող է վտանգել իր երկրի էներգետիկ անվտանգությունը։ Նա ընդգծել է, որ Բրյուսելը պետք է հաշվի առնի Վենգրիայի աշխարհագրական դիրքը, այլ ոչ միայն գլոբալ քաղաքական նկատառումները, գրում է Lenta.ru-ն։

«Եթե այս ծրագիրը կյանքի կոչվի, Բուդապեշտը կկորցնի հուսալի էներգամատակարարումը», — նշել է Սիյարտոն՝ ելույթ ունենալով ԵՄ Էներգետիկ խորհրդի նիստում։ Նրա խոսքով՝ նման քայլը կդարձնի Հունգարիայի էներգահամակարգը խոցելի և կախված այլ անբարենպաստ աղբյուրներից։

Ավելի վաղ ԵՄ խորհուրդը հոկտեմբերի 20-ին հաստատել էր ռուսական գազի ներկրման արգելքը՝ պահպանելով դրույթ, որը թույլ է տալիս ժամանակավոր հանել սահմանափակումը էներգետիկ անվտանգության խախտման դեպքում։ ԵՄ էներգետիկայի հանձնակատար Դան Յորգենսենն իր հերթին նշել էր, որ դեռևս ավելի քան 13 տոկոս գազի ներկրումը ԵՄ-ում շարունակում է գալ Ռուսաստանից։