Ինչ է պատմում Երևանում մահացած չեչեն աղջկա ընկերը
Հասարակություն
Ինչպես արդեն հայտնել ենք, հոկտեմբերի 19-ին ՆԳՆ ոստիկանության օպերատիվ կառավարման կենտրոն է զանգահարել մի քաղաքացի և հայտնել, որ Երևանի Դեմիրճյան փողոցի վարձակալության տրված բնակարաններից մեկում կնոջ դի կա։
Նշված վայր են մեկնել ՆԳՆ ոստիկանության օպերատիվ խմբեր։ Պարզվել է, որ հայտնաբերվածը հոկտեմբերի 17-ից որպես անհետ կորած որոնվող 23-ամյա Այշատ Բայմուրադովայի դիակն է։
Meduza–ի հաղորդմամբ՝ Բայմուրադովայի անհետացման մասին հոկտեմբերի 17-ին հայտնել է Հայաստանում բնակվող ռուսաստանցի ակտիվիստ Դանիիլ Չեբիկինը։ Նա նշել է, որ Բայմուրադովայի ընկերները, որոնց հետ նա համատեղ ապրում էր բնակարանում, իրեն պատմել են, թե հոկտեմբերի 15-ին աղջիկը գնացել է «Instagram»-ից ընկերուհու հետ հանդիպելու և այլևս չի վերադարձել։ «Հետագայում պարզվեց, որ այս ընկերուհու հետևորդների թվում կան Կադիրովի մերձավոր շրջապատից մարդիկ», - գրել է Չեբիկինը։
Այշատ Բայմուրադովան, ըստ Չեբիկինի, Չեչնիայից փախել է Հյուսիսային Կովկասում կանանց իրավունքների պաշտպանությամբ զբաղվող կազմակերպության օգնությամբ: Լրատվամիջոցների տեղեկություններով՝ Բայմուրադովան փախել էր տնից ընտանեկան բռնության պատճառով:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
