Բրիտանիայի զինված ուժերը կստանան նոր լիազորություններ՝ անօդաչու թռչող սարքեր ոչնչացնելու համար

Բրիտանիայի պաշտպանության նախարարությունը պատրաստվում է ընդլայնել զինված ուժերի լիազորությունները՝ թույլ տալով նրանց ոչնչացնել ցանկացած անպարզ ծագմամբ կամ վտանգավոր համարվող անօդաչու թռչող սարք՝ երկրի ռազմական օբյեկտների վրա կամ դրանց շուրջ հայտնաբերվելու դեպքում։ Այս մասին գրում է Politico-ն՝ հղում անելով պաշտպանության նախարար Ջոն Հիլիի խոսքին։

Հիլիի խոսքով՝ Մեծ Բրիտանիան չի կարող իրեն ապահով զգալ նման սպառնալիքներից․ «Մենք ամեն օր պաշտպանում ենք մեր երկիրը վտանգներից, որոնք տարածվում են ծովի հատակից մինչև կիբեր տարածք»։ Նախարարը հայտարարել է, որ Լոնդոնը կձևավորի նոր միջոցներ և տեխնիկական կարողություններ՝ անհայտ անօդաչուների հայտնաբերման և դրանց արագ ոչնչացման համար։

Նոր նախաձեռնությունը ներկայացվելու է բիզնես ոլորտի առաջնորդների առաջ՝ Mansion House-ում նախատեսված ելույթի ընթացքում։ Այն ուղղված է աճող ռիսկերին՝ կապված ինչպես ռազմական, այնպես էլ կիբեր սպառնալիքների հետ։