Գրիգորի Լեպսին առաջարկել են ներառել «սև ցուցակում»՝ անպատշաճ վարքի և հայհոյանքների պատճառով

Ռուս երգիչ Գրիգորի Լեպսը հայտնվել է քննադատությունների կենտրոնում՝ Վլադիվոստոկում կայացած իր համերգի ընթացքում հայհոյանքներ օգտագործելու և տարօրինակ վիճակում բեմ բարձրանալու համար։ Դեպքին արձագանքել է Ռուսաստանի Ֆեդերալ անվտանգության և կոռուպցիայի դեմ պայքարի նախագծի ղեկավար Վիտալի Բորոդինը՝ նշելով, որ հանդիսատեսի մի մասը լքել է դահլիճը դեռևս համերգի ընթացքում։

Բորոդինի խոսքով՝ նման վարքը անընդունելի է և Լեպսին պետք է ներառել «ստոպ-լիստում»՝ ժամանակավորապես արգելելով նրա ելույթները և տուգանելով հայհոյանքների համար։ «Նա կամ հարբած էր, կամ թմրանյութերի ազդեցության տակ։ Չի գիտակցում, որ իր առաջ նստած են մարդիկ, ովքեր վճարել են այս համերգի համար», — հայտարարել է Բորոդինը, գրում է Lenta.ru-ն։

Բորոդինը նույնիսկ համեմատել է Լեպսին նախկին նախագահ Բորիս Ելցինի հետ՝ նշելով, որ երգիչը «արդեն  ինչպես հարբած մարդ, որը չի հասկանում, թե ինչ է անում»։ Նա նաև կոչ է արել հանդիսատեսին պահանջել տոմսերի գումարի վերադարձը։ Սա Բորոդինի առաջին նմանատիպ հայտարարությունը չէ․ ավելի վաղ նա պահանջել էր «չեղարկել» երգիչ Պրոխոր Շալյապինին և արգելել ռեփեր Macan-ին՝ «հայրենասիրական դիրքորոշման բացակայության» համար։