Հայ և բրազիլացի տատիկների տարբերությունը

Բուլղարիայի մայրաքաղաք Սոֆիայում հունվարի 22-ին կայացած «Miss Grandma Universe-2012» գեղեցկության միջազգային մրցույթում առաջին տեղը գրավել է Հայաստանը ներկայացնող 51–ամյա Լուիզա Աղաջանյանը։ Ողջունելի է, որ նման միջազգային մրցույթներում հաղթանակ է տանում Հայաստանի ներկայացուցիչը և մի տեսակ կարծես կոտրում է կարծրատիպերը հայ կնոջ՝ մասնավորապես տատիկների նկատմամբ։ Մրցույթի հիմնական սկզբունքներից մեկն այն է, որ տատիկներն անպայման պետք է ունենան երեխաներ և թոռներ։

Ամեն տարի «Միսս տատիկ» մրցույթ է անցկացվում նաև Բրազիլիայում, որին նույնպես մասնակցում են երեխաներ և թոռներ ունեցող տատիկներ և ուշագրավն այն է, որ բրազիլացի տատիկների և հայ տատիկի միջև անհամեմատելի տարբերություններ կան։