Ռուսական բանակը կարող է հասնել մինչև Խերսոն ու Նիկոլաեվ

Ուկրաինայի Զինված ուժերի նախկին գեներալ-մայոր Դմիտրի Մարչենկոն հայտարարում է, որ ռուսական զորքերը կարող են շարունակել առաջխաղացումը և գրավել նոր քաղաքներ։ «Страна.ua»-ի փոխանցմամբ՝ Մարչենկոն կարծում է, որ Պոկրովսկի վերցնելու դեպքում ռուսական բանակը կանցնի Դնեպրոպետրովսկի մարզ, այնուհետև` Զապորոժիե, կանցնի գետը և կրկին կհասնի Խերսոն, իսկ դրանից հետո կշարժվի դեպի Նիկոլաեվ։

Նրա խոսքով՝ իրավիճակը ռազմաճակատում շարունակում է լարված մնալ, իսկ ուկրաինացի զինվորները գործում են ծայրահեղ բարձր սթրեսի ու ծանր պայմանների ներքո։ Մարչենկոն ընդգծել է, որ նման դինամիկայի դեպքում Ուկրաինան կարող է շարունակել կորցնել տարածքներ։

Ավելի վաղ հաղորդվել էր, որ Ուկրաինայի ուժերը գրեթե կորցրել էին Զապորոժիեի մարզի Գուլյայպոլեն՝ Պոլտավկայի և Ուսպենովկայի անկումից հետո։ Այս կորուստները լուրջ վտանգ էին ստեղծել այդ ուղղության պաշտպանական գծի համար։