Կառավարությունը 3 մլդ դրամ հատկացրեց պետական աշխատողներին հավելավճարներ տրամադրելու համար

«Նախագծով առաջարկվում է սահմանել առաջնահերթությունների ուղղությամբ կատարված աշխատանքի գնահատման և դրա հիման վրա խրախուսման համակարգ, որը պետք է բարձրացնի Կառավարության ծրագրով և ռազմավարություններով սահմանված նպատակների ուղղությամբ պետական կառավարման համակարգի արդյունավետությունը և մատուցվող ծառայությունների որակը»,-կառավարության նիստում հայտնեց փոխվարչապետ Տիգրան Խաչատրյանը՝ զեկուցելով հերթական նախագիծը:

Նրա խոսքով՝ փոփոխությունը նպատակ ունի բարձրացնել հանրային ծառայողների կարողությունները նրանց շարունակական կրթութան միջոցով:

«Մասնավորապես առաջարկվում է սահմանել, որ խրախուսանքի արժանացած յուրաքանչյուր ծառայողի վարձատրությունը մի մասով կրթական ծախսերի համար նախատեսված գումար է՝ որպես որակավորումը բարձրացնելու և կարողություններն ավելացնելու լրացուցվիչ հնարավորություն»,- հայտարարեց փոխվարչապետը՝ նշելովմ որ ծրագրի հիմնական սկզբունքը բարձր կատարողականի համար աշխատակիցների նյութական խրախուսումն է։

Տեղեկացվեց,որ պիլոտային ծրագրի իրականացման համար 2025 թվականի պետական բյուջեով կպահանջվի շուրջ  3 մլրդ  դրամ:

Նիկոլ Փաշինյանն էլ հայտարարեց, թե այսօր պետական համակարգն աշխատում է շատ ավելի մեծ ծանրաբեռնվածությամբ, քան աշխատում էր, օրինակ, 2018 կամ 2019 թվականին, քանի որ մեծացել են աշխատանքի ծավալները:

«Կարծում եմ՝ մեր պետական համակարգը արժանացել է դրան, ոչ մեկը ոչ մեկին լավություն չի անում։ Պարտադիր պայման ենք դնում, որ լրացուցիչ վարձատրության մի որոշակի հատված, որը էլի նոր որոշումներով կկարգավորենք, 10 %-ը պաշտոնյան, պետական աշխատողը պարտավոր է ծախսել կրթական որևէ ծրագրի վրա: Անկանխիկ վճարումով մենք պետք է տեսնենք, որ որևէ կրթական ծրագրի վրա է ծախսվել, եթե՝ ոչ, այդ դեպքում «մալուսների համակարգ» պիտի գործի», ասաց Փաշինյանը: