Զախարովան աջակցություն է հայտնել Ռուբիոյին

Ռուսաստանի ԱԳՆ պաշտոնական ներկայացուցիչ Մարիա Զախարովան հայտարարել է, որ հասկանում է ԱՄՆ պետքարտուղար Մարկո Ռուբիոյի՝ Եվրամիության արտգործնախարար Կայա Կալլասի հետ հանդիպելուց հրաժարվելու որոշումը։ Բրիֆինգի ընթացքում, որի ուղիղ հեռարձակումը իրականացվում էր գերատեսչության կայքում, Զախարովան ասաց․ «Ես նրան հասկանում եմ»։

Ավելի վաղ Politico-ն հայտնել էր, որ Ռուբիոն մերժել է երկկողմ հանդիպումը Կալլասի հետ։ Հրապարակման համաձայն՝ պատճառներից մեկը կարող են լինել նրա բարդ հարաբերությունները Տրամփի վարչակազմի հետ։

Responsible Statecraft-ն էլ գրել էր, որ Ռուբիոյի՝ հանդիպումից խուսափելու հիմքում, հնարավոր է, Կալլասի «ոչ բավարար մասնագիտական պատրաստվածությունն» է։