Ադոլֆ Հիտլերը նորից իշխանության է եկել և փոխել իր ազգանունը

Նամիբիացի քաղաքական գործիչ Ադոլֆ Հիտլեր Ուունոնան հաղթել է Օմպուջա շրջանում տեղի ունեցած հերթական տարածաշրջանային ընտրություններում՝ ապահովելով պաշտոնավարման հինգերորդ ժամկետը, ըստ Bild-ի։

Նրա քաղաքական կարիերան սկսվել է 2004 թվականին և հաջողությամբ շարունակվում է մինչ օրս։ Վերջին անգամ նա վերընտրվել է 2020 թվականին։

Նա նաև փոխել է «Հիտլեր» ազգանունը, և այլևս չի ցանկանում կապ ունենալ այդ ազգանվան հետ։ Քաղաքական գործիչը շեշտել է, որ նախընտրում է՝ իրեն անվանեն Ադոլֆ Ուունոնա և որևէ կապ չունի նացիստական ​​գաղափարախոսության հետ։

«Իմ անունը Ադոլֆ Հիտլեր չէ։ Իմ անունը Ադոլֆ Ուունոնա է։ Ես տեսել եմ, թե ինչպես են մարդիկ ինձ Ադոլֆ Հիտլեր անվանում և փորձում ինձ կապել մեկի հետ, ում ես նույնիսկ չեմ ճանաչում», - ասել է նա։