12–օրյա պատերազմում Իրանի ժողովուրդը հաղթանակ տարավ և՛ ԱՄՆ-ի, և՛ սիոնիստների նկատմամբ. Ալի Խամենեի
Տասներկուօրյա պատերազմում Իրանի ժողովուրդը հաղթանակ տարավ և՛ ԱՄՆ-ի, և՛ սիոնիստների նկատմամբ. դրանում կասկած չկա։ Նրանք եկան չարիք գործելու, հետ մղվեցին և դատարկաձեռն վերադարձան։ Այս հաղթանակը բառացիորեն նրանց համար պարտություն է։ Այս մասին հայտարարել է Իսլամական հեղափոխության գերագույն առաջնորդ Սեյեդ Ալի Խամենեին։
«Այս տասներկուօրյա պատերազմում ԱՄՆ-ի և Իսրայելի քսանամյա ծրագիրը՝ Իրանում պատերազմ հրահրելու, ժողովրդին սադրելու և ստիպելու նրանց՝ աջակցել իրենց ընդդեմ համակարգի, ձախողվել է»,– նշել է նա։
Իսլամական հեղափոխության առաջնորդի խոսքով՝ «այսօր աշխարհի ամենաատելի մարդիկ սիոնիստական պետության ղեկավարն են, և ԱՄՆ–ը նրա կողքին է»։
Նա նաև նշել է, որ «Իրանից Միացյալ Նահանգներ միջնորդների միջոցով հաղորդագրություններ ուղարկելու մասին լուրերը բացարձակապես կեղծ են։ ԱՄՆ կառավարությունը արժանի չէ Իսլամական Հանրապետության հետ շփման և համագործակցության»։
«Ամերիկան, որը դավաճանում է նույնիսկ իր դաշնակիցներին և աջակցում սիոնիստական հանցավոր խմբավորմանը, այն պետությունը չէ, որի հետ Իրանի Իսլամական Հանրապետությունը ձգտում է կապեր հաստատել»,– ասել է ։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
