Մարդկանց որ խումբը պետք է խուսափի սուրճի չարաշահումից

Մեծ Բրիտանիայի «Road Safety GB» ճանապարհային անվտանգության ազգային կազմակերպության գործադիր տնօրեն Ջեյմս Գիբսոնը նշել է, որ մարդկանց մի խումբ պետք է խուսափի սուրճի չարաշահումից, ըստ Infobae-ի։

Գիբսոնը զգուշացրել է, որ վարորդները պետք է խուսափեն սուրճի չափից շատ օգտագործումից։ Նա բացատրել է, որ սուրճի չարաշահումը կարող է անհանգստություն, գլխապտույտ և գլխացավ առաջացնել։ Արդյունքում, վարորդության ժամանակ մարդու ուշադրության կենտրոնացումը նվազում է, և նա նաև ավելի է դժվարանում որոշումներ կայացնելու հարցում, բացատրել է փորձագետը։

«Վարորդները որոշումներ են կայացնում ամեն վայրկյան, օրինակ՝ գնահատելով, թե արդյոք անվտանգ է խաչմերուկից դուրս գալը կամ գոտին փոխելը: Սխալ որոշումը կարող է լուրջ հետևանքներ ունենալ նրանց, իրենց ուղևորների և ճանապարհային երթևեկության մյուս մասնակիցների համար», - հավելել է նա։

Ավելին, մեկ այլ խնդիր է ձեռքերի և ոտքերի դողը, որը կարող է առաջանալ սուրճից: Այս դեպքում վտանգը կայանում է ղեկը պտտելու և ոտնակները սեղմելու անկարողության մեջ, եզրափակել է Գիբսոնը: