Գողերը մտել են ուրիշի տուն և թողել ծաղրական նամակ

Հնդկաստանի Տիրունելվելի քաղաքում գողերը ներխուժել են տուն և ծաղրել տերերին, հաղորդում է News 9 Live-ը։

Գողերը գտել են ընդամենը երկու հազար ռուփի (8650 դրամ)։ Տանը զարդեր կամ արժեքավոր իրեր չեն եղել։ Հիասթափված՝ գողերը որոշել են քննադատել տիրոջը աղքատ լինելու համար և թողել են ծաղրական նամակ։

Դրանում նրանք կոչ են արել տան տիրոջը գումար խնայել, եթե հանկարծ որոշեն էլի գալ նրան կողոպտելու համար։ Գողերը նշել են, որ գոնե այդպես իրենց հիմարացված չեն զգա։ Նրանք նաև գրել են, որ տան ներսում բազմաթիվ անվտանգության տեսախցիկներ կան, սակայն իմաստ չեն տեսնում դրանց մեջ. «միևնույն է, գողանալու ոչինչ չկա»։

Հեռանալուց առաջ գողերը վերցրել են տեսախցիկների կոշտ սկավառակը։ Այդ պատճառով նրանց դեռևս չեն գտել։ Նրանք ոչ մի հետք չեն թողել, բացի նամակից։