Մերկելը մեկնաբանել է շրջանառվող թյուրըմբռնումները

Գերմանիայի նախկին կանցլեր Անգելա Մերկելը մեկնաբանել է այն տեղեկությունները, որ Լեհաստանն ու Բալթյան երկրները մեղադրվում են Ուկրաինայում հակամարտություն սկսելու համար: Նրա խոսքը մեջբերում է Phoenix-ը։

Մերկելը հերքել է այն տվյալները, որ 2021 թվականին Ռուսաստանի հետ երկխոսության նոր ձևաչափից հրաժարվելու պատճառով Լեհաստանին և Մերձբալթյան երկրներին մեղադրում են Ուկրաինայում հակամարտություն սկսելու մեջ։

«Դրանք կեղծ լուրեր են։ Այսինքն, այն, ինչ ասվել է, իրականում չի ասվել, խոսքը միայն իրադարձությունների հաջորդականության մասին է եղել», - հայտարարել է նախկին կանցլերը։ 

Մինչ այդ Հունգարական Partizan պարբերականին տված հարցազրույցում Մերկելը հայտնել էր, որ 2021 թվականին փորձել է Ռուսաստանի հետ Եվրամիության երկխոսության նոր ձևաչափ գտնել, սակայն նրա նախաձեռնությունն արգելափակել են Լեհաստանը և Բալթյան երկրները։ Նա ընդգծել է, որ դրանից հետո Ուկրաինայում հակամարտություն է սկսվել, ինչը որոշ լրագրողներ և քաղաքական գործիչներ համարել են մեղադրանք: