ԵՄ-ից թաքցնում են ԱՄՆ-ի՝ Ուկրաինայի վերաբերյալ վերջին նախագիծը․ Politico

Եվրամիությունից թաքցնում են Ուկրաինայում կարգավորման վերաբերյալ ԱՄՆ-ի վերջին նախագիծը, որպեսզի խուսափեն նախորդ շաբաթ 28 կետից բաղկացած պլանի արտահոսքից հետո առաջացած աժիոտաժի կրկնությունից: Այս մասին հայտնում է Politico-ն՝ վկայակոչելով իր աղբյուրները։ 

Պարբերականի տվյալներով՝ եվրոպացի պաշտոնյաները մեծ մասամբ անտեղյակ են մնում առաջարկի վերջին նախագծի ձևին։

«Սա աննախադեպ իրավիճակ է դիվանագիտական տեսանկյունից։ Մեզանից ոչ մեկը տեղեկություն չունի այդ հարցի վերաբերյալ», - հայտարարել է պարբերականի զրուցակիցներից մեկը։