Գերմանիան կվերազինվի․ Bloomberg

Բունդեսթագի պատգամավորները կքվեարկեն Գերմանիայի վերազինման համար գրեթե 3 մլրդ եվրո հատկացնելու օգտին: Այս մասին, հղում անելով խմբագրության տրամադրության տակ եղած փաստաթղթերին, հայտնում է Bloomberg գործակալությունը։

«Գերմանացի օրենսդիրները մտադիր են հավանություն տալ ռազմական գնումների 11 պայմանագրերի, այդ թվում՝ անօդաչու թռչող սարքերի, հրացանների և հրթիռների, 2,9 միլիարդ եվրոյի ծախսերին», - հայտնել է պարբերականը՝ նշելով, որ պետպատվերները հասցեագրվելու են հենց գերմանական արտադրողներին:

Ընդ որում, նշված գումարից միայն 765 մլն եվրոն կուղղվի Heckler & Koch ֆիրմայի մինչև 250 հազար նոր G95 գրոհային հրացանների գնմանը։