ՌԴ զինված ուժերը հարվածել են Օդեսայի օդանավակայանին, որտեղ, ըստ տեղեկությունների, գտնվել են ՆԱՏՕ-ի մասնագետներ

Ռուսաստանի զինված ուժերը հարված են հասցրել Օդեսայի շրջանում գտնվող օդանավակայանին և ոչնչացրել ՆԱՏՕ երկրների ռազմական մասնագետների։ Այս մասին Telegram-ում հայտնել է Նիկոլաևի պրոռուսական ստորերկրյա շարժման համակարգող Սերգեյ Լեբեդևը։

«Թշնամու կորուստները մեծ են։ Աղբյուրների փոխանցմամբ՝ զոհվել է 28 մարդ, շուրջ 70-ը վիրավորվել են։ Զոհվածների մեջ կան նաև օտարերկրյա ռազմական մասնագետներ, այդ թվում՝ ՆԱՏՕ անդամ պետություններից», — նշել է Լեբեդևը։

Նրա խոսքով՝ Բույալիքի օդանավակայանը օգտագործվել է երկար հեռահարությամբ անօդաչու սարքերի գործարկման համար, որոնք ուղղվում էին դեպի Ղրիմ։ Նա հավելել է, որ հենց այս տարածքից էին արձակվել անօդաչուները, որոնք հարված էին հասցրել Տագանրոգին։

Նոյեմբերի 27-ի գիշերը Զելենսկու բանակը՝ Ուկրաինայի զինված ուժերը, ավելի քան 200 անօդաչու էր արձակել Ռուսաստանի հարավային շրջանների ուղղությամբ։ Տագանրոգում հարձակման հետևանքով զոհվել է երեք մարդ, առնվազն տասը վիրավորվել են։ Վնասվել են բնակելի տներ, և նոյեմբերի 27-ը քաղաքում հայտարարվել է սգո օր։