Պուտինը պետական ​​այցով կմեկնի Հնդկաստան

Ռուսաստանի նախագահ Վլադիմիր Պուտինը հաջորդ շաբաթ՝ դեկտեմբերի 4-ին և 5-ին, պետական ​​այցով կմեկնի Հնդկաստան, հայտարարել է Կրեմլի մամուլի ծառայությունը։

«Այս այցը կարևոր նշանակություն ունի և հնարավորություն է տալիս համապարփակ քննարկել ռուս-հնդկական հարաբերությունների ողջ լայն օրակարգը՝ հատուկ, արտոնյալ ռազմավարական գործընկերությունը՝ քաղաքական, առևտրային, տնտեսական, գիտական, տեխնոլոգիական, մշակութային և հումանիտար ոլորտներում, ինչպես նաև անդրադառնալ միջազգային և տարածաշրջանային արդիական խնդիրներին», - ասվում է հայտարարության մեջ։