Թաթուլ Ասիլյանին ազատազրկել են. ԱրմԼուր

ՔՊ-ից հեռացված Թաթուլ Ասիլյանի գործով Հակակոռուպցիոն դատարանը որոշում է կայացրել՝ դատապարտել ազատազրկման, գրել է Armlur.am-ը։    

Դատարանը որոշել է Թաթուլ Ասիլյանին մեղավոր ճանաչել ՀՀ քրեական օրենսգրքի 440-րդ հոդվածի 2-րդ մասով նախատեսված հանցանքի կատարման մեջ և նրա նկատմամբ պատիժ նշանակել ազատազրկում` 1 տարի, 3 ամիս ժամկետով և պատժի կրման սկիզբը հաշվել փաստացի անազատության մեջ գտնվելու պահից։ Մեղադրյալ Թաթուլ Աշոտի Ասիլյանից՝ ՀՀ քրեական օրենսգրքի 121-րդ հոդվածի կարգով՝ հանցագործության արդյունքում ստացված 25 մլն ՀՀ դրամը բռնագրավել հօգուտ Հայաստանի Հանրապետության։

 Ըստ մեղադրանքի՝ կառուցապատման համար հնարավոր խոչընդոտները վերացնելու հարցով, կաշառքի միջնորդության պատրվակով դրամական միջոց ստանալու դիտավորությամբ՝ Թաթուլ Ասիլյանը իրեն դիմած անձին վստահեցրել է, թե Երևան քաղաքապետարանի իրավասու պաշտոնատար անձանց շրջանում ունի ծանոթներ, ովքեր 80.000.000 ՀՀ դրամի դիմաց կարող են կազմակերպել Արամ Տեր-Խաչատրյանին պատկանող ընկերության անվամբ հաշվառված հողատարածքում կառուցապատման հնարավոր խոչընդոտները վերացնելու հարցը և կաշառքի միջնորդության պատրվակով ստացել դրամական միջոց։