Այսօր Մովսես Շարբաթյանը իր ծնունդը նշում է կալանավայրում՝ ընտանիքից հեռու (տեսանյութ)

Այսօր քաղբանտարկյալ Մովսես Շահբազյանի ծննդյան օրն է։ Առաջին անգամ իր ծննդյան օրը Մովսեսը տանը չէ, բանտում է։ Նրա մանկահասակ 3 երեխաները 5 ամիս է չեն տեսնում իրենց հորը։ Մովսես Շարբաթյանը Բագրատ Սրբազանի օգնականն է, անցնում է «18 արդարների» գործով։ Դատավոր Կարեն Ֆարխոյանը նրա կալանքը ևս 3 ամսով երկարացրեց։ Երեխաներն իրենց հորն են սպասում, իսկ ավագ որդին՝ Ռուբենը, լիարժեք գիտակցում է՝ ինչու է հայրը բանտում։

Շարբաթյանների ընտանիքը Բագրատ Սրբազանի հետ վաղեմի ամուր կապով  է կապված։ Երջանկահիշատակ մաեստրո Ռուբեն Շարբաթյանը Գևորգյան ճեմարանում դասավանդել է Բագրատ Սրբազանին։ Մովսեսը կրտսեր որդու անունը Բագրատ է դրել՝ ի պատիվ Սրբազանի։

Շարբաթյանների ընտանիքը ծանր փորձությունների միջով է անցնում։ Ընտանիքի կերակրող ձեռքը ևս 3 ամիս մնալու է կալանքի տակ, իսկ երեխաները սպասում են, որ իրենց հայրը գոնե Նոր տարուն տանը կլինի, միասին տոնածառ կզարդարեն։

Շարբաթյանի տեսակցությունները նույնպես սահմանափակված են։ 5 ամսում 2 անգամ է թույլատրվել տեսնել հարազատներին։

Մայրը՝ տիկին Անահիտը, հպարտ է, որ որդին Սրբազան պայքարի առաջամարտիկներից է։ Նրան Էջմիածնում հերոսի մայր են ասում։ Չի հավատում, որ Բագրատ Սրբազանի պես մարդը կարող է ահաբեկիչ լինել. վստահ է՝ իշխանություններն ամեն ինչ անում են Սրբազանին ու մյուսներին զրպարտելու, պայքարը թուլացնելու համար, բայց չի ստացվելու։