ԱՄՆ վարչակազմը որոշել է փոխարինել գրեթե 30 դեսպանի

ԱՄՆ վարչակազմը նախատեսում է հետ կանչել արտասահմանում գտնվող դիվանագիտական ​​առաքելությունների 29 ղեկավարի, հաղորդում է Associated Press-ը՝ հղում անելով Պետդեպարտամենտի երկու պաշտոնյայի։

Պաշտոնյաների խոսքով՝ դիվանագետներին անցյալ շաբաթ տեղեկացվել է, որ նրանց պաշտոնավարման ժամկետը լրանալու է 2026 թվականի հունվարին։ Նրանք բոլորը նշանակվել են իրենց պաշտոններում ԱՄՆ նախկին նախագահ Ջո Բայդենի վարչակազմի օրոք։

Գործակալության աղբյուրները պարզաբանել են, որ դիվանագիտական ​​առաքելությունների հետ կանչված ղեկավարները չեն կորցնի իրենց պաշտոնները դիվանագիտական ​​ծառայությունում։ Նրանք կկարողանան վերադառնալ Վաշինգտոն և զբաղեցնել այլ պաշտոններ, եթե ցանկանան։