Ֆրանսիայում Լե Պենի պատգամավորին փողոցում գտել են գլխի վնասվածքով

Մարին Լը Պենի գլխավորած Ֆրանսիայի աջակողմյան «Ազգային միավորում» կուսակցության պատգամավոր Անտուան ​​Վիլդյեն հայտնաբերվել է գլխի վնասվածքով, հաղորդում է Le Parisien-ը՝ հղում անելով ոստիկանության աղբյուրներին։

Վիլդյեն հայտնաբերվել է հունվարի 11-ին՝ Վեզուլի փողոցներից մեկում՝ իր բնակության վայրի մոտ։ Ոստիկանության տվյալներով՝ 36-ամյա պատգամավորը գլխի վերին հատվածում արյունահոսող վերք ուներ։ Le Parisien-ի տվյալներով՝ երբ նրան հայտնաբերել են, տուժողը անհանգիստ տեսք ուներ և հալյուցինացիաների  մեջ էր։ Նրան հիվանդանոց տեղափոխելու համար անհրաժեշտ է եղել մի քանի ոստիկան։ «Խորհրդարանի անդամն այժմ վտանգի տակ չէ», -պարզաբանում է թերթը։

Դեպքի հետ կապված հետաքննությունը դեռևս ընթացքի մեջ է։