Բարձր եմ գնահատում Հայաստանի և ԱՄԷ-ի միջև համագործակցության առկա մակարդակը. Վահագն Խաչատուրյանի շնորհավորական ուղերձները

Հանրապետության նախագահ Վահագն Խաչատուրյանը շնորհավորական ուղերձ է հղել Արաբական Միացյալ Էմիրությունների նախագահ Շեյխ Մուհամմադ Բին Զայեդ ալ Նահյանին:

«Ջերմորեն շնորհավորում և անկեղծ բարեմաղթանքներս եմ հղում Ձեզ և Արաբական Միացյալ Էմիրությունների ժողովրդին Ազգային տոնի կապակցությամբ։

Բարձր եմ գնահատում Հայաստանի և Միացյալ Էմիրությունների միջև համագործակցության առկա մակարդակը:

Լիահույս եմ, որ փոխվստահության և ավանդական սերտ կապերի վրա խարսխված երկկողմ հարաբերություններն ավելի կզարգանան և կամրապնդվեն՝ ի շահ մեր ժողովուրդների»,- մասնավորապես ասվում է ուղերձում:

                                                      ***

Հանրապետության նախագահ Վահագն Խչատուրյանը շնորհավորական ուղերձ է հղել նաև Արաբական Միացյալ Էմիրությունների փոխնախագահ և փոխվարչապետ, Դուբայի կառավարիչ Շեյխ Մուհամմադ Բին Ռաշիդ ալ Մաքթումին:

«Ջերմորեն շնորհավորում եմ Ձեզ և Արաբական Միացյալ էմիրությունների բարեկամ ժողովրդին Ազգային տոնի կապակցությամբ:

Հայաստանը մեծապես կարևորում է հայ-էմիրաթյան համագործակցության հետևողական զարգացումն ու ընդլայնումը:

Լիահույս եմ, որ համագործակցության առկա մակարդակը կշարունակի ամրապնդվել՝ արձանագրելով նորանոր նվաճումներ»,- մասնավորապես ասվում է ուղերձում: