Նևրոլոգը նշել է քնելու այն դիրքը, որը կարող է վնասել առողջությանը

Մշտապես փորի վրա քնելը կարող է վնասակար լինել առողջության համար․ այն առաջացնում է պարանոցի մկանների լարվածություն և կարող է հանգեցնել արյունատար անոթների սեղմման։ Այդ մասին РИА Новости-ին հայտնել է բժիշկ-նևրոլոգ Վլադիմիր Մարտինովը։

Մասնագետի խոսքով՝ փորի վրա քնելու ժամանակ գլուխը երկար ժամանակ մնում է շրջված դիրքում, ինչի հետևանքով ծանրաբեռնվում են պարանոցի մկանները և խանգարվում է արյան նորմալ շրջանառությունը։ Նման դիրքը, նրա խոսքով, կարող է առաջացնել անհարմարավետություն, գլխացավեր և երկարաժամկետ խնդիրներ։

Մարտինովը նշել է, որ ամենաօպտիմալ տարբերակներն են քնել կողքի վրա կամ մեջքի վրա՝ ապահովելով պարանոցի և գոտկատեղի ճիշտ աջակցություն բարձի միջոցով։ Նրա խոսքով՝ ճիշտ քնելու դիրքը կարևոր դեր ունի ինչպես ողնաշարի առողջության, այնպես էլ ընդհանուր ինքնազգացողության պահպանման գործում։