45 կգ՝ մեկ փոփոխության շնորհիվ․ ամերիկուհու պատմությունը զարմացրել է բոլորին

ԱՄՆ բնակչուհի Քրիստի Մաքքեմոնը պատմել է, թե ինչպես է կարողացել ազատվել շաքարից կախվածությունից և կորցնել 45 կիլոգրամ քաշ։ Իր պատմությամբ նա կիսվել է Need To Know-ին՝ նշելով, որ տարիներ շարունակ չափազանց մեծ քանակով քաղցրավենիք էր օգտագործում և օրական ընդունում էր մինչև 5000 կիլոկալորիա։

Կնոջ խոսքով՝ նա փորձել է տարբեր դիետաներ և հաճախել է մարզասրահ, սակայն երկար ժամանակ արդյունք չի տեսել։ Վիճակը փոխվել է 2017 թվականին, երբ Մաքքեմոնը ամբողջությամբ հրաժարվել է շաքարից և արհեստական քաղցրացուցիչներից՝ փոխարինելով դրանք մրգերով, քաղցր կարտոֆիլով և կաթնաշոռով։

Այս կենսակերպը պահպանելով՝ նա կարողացել է զգալիորեն նիհարել և արդեն յոթ տարի է՝ չի վերադառնում նախկին սովորություններին։ Մաքքեմոնի խոսքով՝ շատերը կարծում են, թե նման ընտրությունը սահմանափակող է, սակայն նա վստահ է՝ ավելորդ քաշն ու սննդի նկատմամբ կախվածությունը շատ ավելի մեծ սահմանափակում են, քան շաքարից հրաժարվելը։