Պորտուգալացի Ռիկարդո Դիոնիսիոն՝ «Արարատի» գլխավոր մարզիչ

Պորտուգալացի Ռիկարդո Դիոնիսիոն նշանակվել է Երևանի «Արարատի» գլխավոր մարզիչ, հաղորդում է ակումբի կայքը։

43-ամյա մասնագետը նախկինում գլխավոր մարզիչի պաշտոն է զբաղեցրել շվեյցարական «Լոզան Ուշի», «Սիոն» և «Նիոն» ակումբներում։ Բացի այդ, նա աշխատել է որպես գլխավոր մարզիչի օգնական բրազիլական «Բոտաֆոգո» և «Բահիա», մեքսիկական «Լեոն», նաև էկվադորական «Ինդեպենդյենտե» ակումբներում։ Մարզչական կարիերայի սկզբնական փուլում Ռիկարդո Դիոնիսիոն հանդես է եկել որպես ֆիզպատրաստության մարզիչ պորտուգալական առաջատար ակումբներում՝ «Բրագա», «Սպորտինգ» և «Պորտու»։

Ռիկարդո Դիոնիսիոյի մարզչական շտաբում ընդգրկված են էկվադորցի Մարկո Դուրան Մոնտենեգրոն, Գևորգ Պողոսյանը, նաև դարպասապահների մարզիչ Էրիկ Խաչատրյանը։