ԵՄ-ում վախենում են Թրամփի նոր քայլից՝ Գրենլանդիայից հետո

Եվրամիության մի շարք առաջնորդներ մտահոգված են, որ եթե ԱՄՆ նախագահ Դոնալդ Թրամփին հաջողվի վերահսկողություն հաստատել Գրենլանդիայի նկատմամբ, ապա նրա հաջորդ թիրախը կարող են դառնալ Եվրոպայի այլ տարածքներ։ Այս մասին գրում է The Wall Street Journal-ը՝ հղում անելով եվրոպական քաղաքական շրջանակներին։

Հրապարակման մեջ նշվում է, որ ԵՄ որոշ ղեկավարներ, որոնք միաժամանակ ՆԱՏՕ-ի անդամ երկրներ են ներկայացնում, վախենում են․ եթե դաշինքը թույլ տա ԱՄՆ-ին վերահսկել Գրենլանդիան, ապա ամերիկյան հավակնությունները կարող են ընդլայնվել և տարածվել եվրոպական այլ տարածքների վրա։

WSJ-ի գնահատմամբ՝ նման զարգացումները կարող են վտանգի տակ դնել ռազմական դաշինքի անխախտելիությունը և ազդեցություն ունենալ Ուկրաինայի շուրջ ընթացող հակամարտության վրա։ Ավելի վաղ Ռուսաստանի նախագահի հատուկ ներկայացուցիչ Կիրիլ Դմիտրիևը հայտարարել էր, որ ԵՄ-ն փաստացիորեն կապիտուլացվել է ԱՄՆ-ի առաջ Գրենլանդիայի հարցում։