Կանադացի թենիսիստուհուն անվասայլակով են դուրս բերել Australian Open-ի կորտից

Կանադացի թենիսիստուհի Մարինա Ստակուշիչը չի կարողացել ավարտել Australian Open–2026 մրցաշարի առաջին շրջանի հանդիպումը՝ Ավստրալիայի ներկայացուցիչ Պրիսցիլա Հոնի դեմ։ Այդ մասին հայտնում է «Լենտա.ռու»-ի թղթակիցը։

Երրորդ, վճռորոշ սեթում՝ հաշվի 5։3՝ հօգուտ ավստրալուհու, Ստակուշիչի մոտ առաջացել են ուժեղ մկանային ջղաձգումներ։ Մարզուհին չի կարողացել ինքնուրույն լքել կորտը և նրան անվասայլակով տեղափոխել են տրիբունաների տակ գտնվող հատված։

Պրիսցիլա Հոնը ուղեկցել է Ստակուշիչին՝ իր հետ վերցնելով նաև նրա ռակետը։ Ավստրալուհին դուրս է եկել մրցաշարի երկրորդ փուլ, որտեղ կմրցի ամերիկացի Իվա Յովիչի դեմ։ Ավելի վաղ Australian Open-ի երկրորդ փուլ էր անցել նաև ռուս թենիսիստ Դանիիլ Մեդվեդևը։