Բժիշկը զգուշացրել է առողջացման տարածված մեթոդի վտանգների մասին
Հասարակություն
Օնկոլոգ Վլադիմիր Իվաշկովը նախազգուշացրել է, որ դետոքս-դիետաները կարող են հանգեցնել լուրջ առողջական խնդիրների՝ նշելով, որ մարդու օրգանիզմը ինքնամաքրվող համակարգ է և վնասակար նյութերը բնականաբար հեռացվում են ներքին օրգանների միջոցով, գրում է նրա Telegram-ալիքը։ Բժշկի խոսքով՝ եթե այդ մեխանիզմները չաշխատեին, մարդիկ մշտապես ծանր հիվանդություններ կունենային։
Իվաշկովը խորհուրդ է տվել հրաժարվել դետոքս-դիետաների շրջանակում կիրառվող հյութերից, թեյերից և սովամահ լինելու մեթոդներից։ Նրա խոսքով՝ հյութերը պարունակում են մեծ քանակի շաքար և քիչ բջջանյութ, դետոքս-թեյերը արագացնում են հեղուկների և հանքանյութերի կորուստը, իսկ սննդից ամբողջական հրաժարումը կարող է բացասաբար ազդել լյարդի աշխատանքի վրա։
Բժիշկը նաև նշել է, որ դետոքս-դիետաներով քաշի նվազեցումը պատրանք է․ քաշը նվազում է ջրի և մկանային զանգվածի հաշվին, ոչ թե ճարպի։ Դիետայի ավարտից հետո քաշը արագ վերադառնում է, իսկ սահմանափակումները կարող են առաջացնել վիտամինների պակաս, էլեկտրոլիտների խախտում և մարսողական խնդիրներ, ընդգծել է Իվաշկովը։
ՈՒՂԻՂ ԵԹԵՐ
Ամենադիտված 
Ով էր Ռուսաստանում բանջարեղենի շուկաները վերահսկող «օրենքով գողը», որի գլխի համար որս էին հայտարարել. Lenta.ru
