Թրամփի նստավայրում ֆերմերներին ցույց են տվել ոսկե տրակտոր

ԱՄՆ իշխանությունները ներկայացրել են OnlyFarms.gov կայքը՝ ուղղված ամերիկացի ֆերմերների աջակցությանը, և Սպիտակ տանը կազմակերպված միջոցառման ընթացքում հյուրերին ցույց են տվել ոսկե տրակտոր։ Այս մասին գրում է New York Post-ը՝ նշելով, որ նախաձեռնությունը ներկայացվել է Դոնալդ Թրամփի մասնակցությամբ։

Թրամփը հայտարարել է, որ միջոցառմանը հավաքվել են «ԱՄՆ պատմության մեջ Սպիտակ տանը երբևէ անցկացված ամենախոշոր ֆերմերական հավաքի» մասնակիցները։ Ներկայացված կայքը, որի անվանումը հիշեցնում է OnlyFans հարթակը, ներառում է ինտերակտիվ քարտեզ, որտեղ օգտատերերը կարող են տեսնել՝ որքան գումար են խնայել տարբեր նահանգներում իրականացվող գյուղատնտեսական ծրագրերի շնորհիվ։

Միջոցառման ընթացքում ցուցադրված ոսկե տրակտորի մասին Թրամփը նշել է, որ այն «գեղեցիկ և իսկապես տպավորիչ» է։ Բացի այդ, ներկայացվել է նաև կարմիր-սպիտակ-կապույտ գույներով մեկ այլ տրակտոր։ Ավելի վաղ նա ընդգծել էր իր նախասիրությունը ոսկու նկատմամբ՝ հիշեցնելով Սպիտակ տանը իրականացվող շինարարական աշխատանքների ընթացքում օգտագործվող ոսկեգույն դեկորի մասին։