Թրամփը կարող է ցամաքային գործողություն սկսել Իրանում

ԱՄՆ-ում աճում է անհանգստությունը հնարավոր սցենարի շուրջ, ըստ որի՝ նախագահ Դոնալդ Թրամփը կարող է նախաձեռնել ցամաքային ռազմական գործողություն Իրանում։ Այս մասին հայտնում է РИА Новости-ն՝ հղում անելով ԱՄՆ բանակի պահեստազորի փոխգնդապետ Դենիել Դևիսի հայտարարությանը։

Փորձագետի խոսքով՝ նման քայլը չի ապահովի նշանակալի ռազմական արդյունք, սակայն կարող է հանգեցնել մեծաթիվ ամերիկացի զինվորների զոհերի։ «Խնդրում եմ՝ ասեք, որ նա չի պատրաստվում նման հրաման տալ», — գրել է Դևիսը՝ գնահատելով հնարավոր հետևանքները։

Միևնույն ժամանակ, միջնորդների միջոցով շարունակվում են ԱՄՆ–Իրան բանակցությունների մասին տեղեկությունները, սակայն շրջանառվում են նաև լուրեր հնարավոր ռազմական սրացման վերաբերյալ։ Սպիտակ տանը, ըստ աղբյուրների, քննարկում են նաև նավթի գների հնարավոր կտրուկ աճը՝ ներկայիս մոտ 100 դոլարից մինչև 200 դոլար մեկ բարելի դիմաց։ Ավելի վաղ Թրամփը հայտարարել էր, որ ամերիկյան ավիակիրներից մեկը ենթարկվել է Իրանի հարձակմանը միանգամից 17 ուղղությամբ։