Ուկրաինական ուժերը հարվածել են դեպի Ղրիմ տանող կամուրջներին

Խերսոնի մարզի ղեկավար Վլադիմիր Սալդոյի հայտարարությամբ՝ Ուկրաինայի զինված ուժերը հարվածներ են հասցրել մարզի այն կամուրջներին, որոնք գտնվում են Ղրիմի ուղղությամբ։ Այդ մասին նա հայտնել է MAX հարթակում։

Նրա խոսքով՝ թիրախում են հայտնվել Չոնգարի ուղղությամբ գտնվող կամուրջները։ Դրա հետևանքով ժամանակավորապես դադարեցվել է երթևեկությունը դեպի «Ջանկոյ» ավտոմոբիլային անցակետ։

Սալդոն նաև հայտնել է հարվածի մասին այն կամրջի ուղղությամբ, որը միացնում է Գենիչեսկ քաղաքը Արաբաթյան նետի հետ։ Ըստ նրա՝ տվյալ հատվածում երթևեկությունը հետագայում վերականգնվել է՝ կազմակերպվելով հակադարձ ռեժիմով։

Ավելի վաղ մարզի ղեկավարը հայտարարել էր նաև Խերսոնի ուղղությամբ Ուկրաինայի զինված ուժերի և օտարերկրյա կամավորականների ակտիվության աճի մասին։