NYT․ Ուկրաինական բանակը բախվել է Patriot համակարգերի հրթիռների պակասի հետ

Ուկրաինական զինված ուժերը բախվել են հակաօդային պաշտպանության համակարգերի համար նախատեսված հրթիռների պակասի խնդրին։ Այդ մասին հայտնում է The New York Times-ը։

Հրապարակման համաձայն՝ Ուկրաինայում սահմանափակվել են Patriot զենիթահրթիռային համալիրների համար նախատեսված որսացող հրթիռների պաշարները, ինչն ազդում է հակաօդային պաշտպանության արդյունավետության վրա։

Նշվում է, որ վերջին շաբաթներին Ռուսաստանի կողմից իրականացվող ինտենսիվ հարվածների ֆոնին առկա ռեսուրսները դժվարացնում են լայնածավալ օդային հարձակումներին արձագանքելու հնարավորությունները։

Պարբերականի տվյալներով՝ իրավիճակի վրա ազդում են նաև մատակարարումների տեմպերը, քանի որ նման զինատեսակների պահանջարկը պահպանվում է ոչ միայն Ուկրաինայի, այլև ԱՄՆ-ի և նրա գործընկերների կողմից՝ Մերձավոր Արևելքում ստեղծված իրավիճակի պայմաններում։

Ավելի վաղ հաղորդվում էր նաև, որ մարտական գործողությունների ընթացքում ուկրաինական կողմը կորցրել է գերմանական արտադրության Leopard-2 տանկ։