Մասնագետը նշել է ցերեկային քնի լավագույն ժամերը

Դիետոլոգ և նուտրիցիոլոգ Դանիել Սմայլին հայտարարել է, որ ցերեկային քնի համար ամենաբարենպաստ ժամանակահատվածը 13:00-ից 15:00-ն է։ Այդ մասին նա ասել է EatingWell-ին տված հարցազրույցում։

Մասնագետի խոսքով՝ օրվա այդ ժամերին օրգանիզմում բնականաբար նվազում է էներգիայի մակարդակը, և կարճատև հանգիստը կարող է վերականգնել ուժերը՝ առանց գիշերային քնի վրա բացասաբար ազդելու։

Սմայլին խորհուրդ է տալիս քնել 10-30 րոպե, քանի որ այդ տևողությունը նպաստում է ուշադրության, աշխատունակության և տրամադրության բարելավմանը։ Նրա խոսքով՝ հետազոտությունները ցույց են տալիս, որ նույնիսկ կարճատև ցերեկային քունը օգնում է վերականգնվել մտավոր հոգնածությունից։

Միաժամանակ մասնագետը շեշտել է, որ ցերեկային քունը չի կարող փոխարինել լիարժեք գիշերային հանգստին։

Ավելի վաղ սոմնոլոգ Մաքսիմ Նովիկովը խորհուրդ էր տվել գիշերը հաճախ արթնացող մարդկանց հետազոտվել քնի ապնոէի առկայության համար։